برنامج ماسنجر بلاك بيري

ماسنجر, مجرب, البلاك, الوايرلس, بيري, تشغيل, على, طريقة

طريقة تشغيل ماسنجر البلاك بيري على الوايرلس ( مجرب )

اول شي ,, لازم يكون عندك انترنت وايرلس بالمكان اللي انت قاعد فيه ,, يعني اذا انت بمكان مافيه وايرلس.. ماراح تقدر تشبك وراح يفصل المسنجر وتصير اوفلاين

بس ما أعتقد انه في احد هالايام ما عنده وايرلس بالبيت او حتى اي مكان بالكويت ,, الكويت تقريبا كلها متروسه وايرلس وين ما تروح تلاقي وايرلس


حلوو؟ ... حلوو!


وثاني شي (واهم شي) .. انك تكون مشترك بالخدمه من قبل على نفس الخط اللي موجود بالبلاك بيرري..
يعني الخط اللي انت مركبه بالبلاك بيري وتتكلم منه ,, تكون من قبل مشترك فيه بالخدمه من الشركه مثلا زين او وطنيه او فيفا ..
والحين قطعتها ,, يعني الخدمه مو موجوده عندك الحين !
بس من قبل كنت مشترك فيها ! ...


اوكي؟ .. اوكي !!


الحين شنو صار عندنا !
الحين عندنا :
1- بلاك بيري (كـــــانـــــــت) موجوده فيه الخدمه مالت المسنجر والنت والحين مقطوعه..
2- هالبلاك بيري شابك على النت عن طريق الوايرلس !



خلاص مبروووووووووك
بس تأكد انك شابك على الوايرلس ..و دش على المسنجر ,, وسولف على راحتك وبدون اشتراك شهري ولا شي وانت مرتاح

يعني االي ما يبي يدفع 14 او 15 او 13 بالشهر حق الخدمه ,, يقطعها من اليوم ويسولف عن طريق الوايرلس



............................

العيوب :
1- انك ما تكون 24 ساعه شابك على البلاك بيري مسنجر ,, لأنه لازم تكون شابك على الوايرلس عشان تقدر تسولف وتصير اونلاين
no wireless internet = no connection!.


الفوايد :
1- ما تدفع ولا شي
2-المسنجر والايميل والسوالف مالت الاشتراك تكون شغاله للأبد ما تنقطع ابد!
3- وناسه تحس انك قصيت على شركة الاتصالات ,, 1-0 لووول
..........................



ملاحظه حق اللي عنده خط وطنيه تعبئه

طبعا كلنا ندري انه الوطنيه اهي الوحيده ليومنا هذا بالكويت مسويه اشتراك بلاكبيري حق اللي عندهم خطوط تعبئه !
,, فـــانت صيد الحركه وروح اشترك بو اسبوع .. مادري بجم بس اكيد بتكون اقل من الشهري ,, وبعد هالاسبوع اشتغل على الوايرلس بدون اشتراك ولا شي ..



وارد واقووول ,,, اهم شي انه (((((( الخط ))))))اللي موجود بالبلاك بيرري تكون انت من قبل مشترك فيه بالخدمه وبعدين قطعتها !!
اذا غيرت الخط(الشريحه) وحطيت خط ثاني ,, ماراح يشتغل عندك المسنجر ولاشي ..
فــــلازم يكون الخط اهو نفسه اللي كان فيه اشتراك من قبل

.............


واسف على الاطاله ,, ادري طولت عليكم ,, تدرووون بعد هذا اول موضوع اكتبه عشان جذي ماخذ راحتي بالكلام ومن الحرره اللي فيني قعدت 6 ايام احووس بهالمواقع الانجليزيه والعربيه (طبعا العربيه مامنها فايده ما استفدنا منها شي) لين طلعت روحي ولقيت الطريقه !

الشرح منقول للفائده .